N ba Saeed A. Faruk waa la karema naŋ kanne sakuuribiiri awo yuomo pie ne ayoɔbe ŋaa. O zanne la bibiiri wuluu a Nasrat Jahan Ahmadiyya Teacher Training College poɔ, saŋa na o naŋ wa baare sekundere sakuuri. O naŋ wa baare a kolaagye, o kanne la bibiiri Kandeh Islamic Primary School naŋ be a Wa East District ane Fallahia Islamic JHS sɛre ka o de gaa University of Education, Winneba a te zanne Dagaare, a deɛ digirii ba naŋ boɔla Bachelor of Education (B.Ed In Ghanaian Language (Dagaare), Second Class Honours – Upper Division).
N ba Saeed la wa kanne la bibiiri belaaŋ sɛre ka o la gaa te kanne a deɛ o digiriŋ ayi soba Naasaale Kɔkɔre poɔ ka ba boɔla Master of Arts in English. O kanne la Untrained Teachers Diploma in Basic Education (UTDBE) karembiiri naŋ da be Mampong Technical College of Education poɔ yuoni gbuli. Faruk kanne la biiri Jamiat Al-Hidayat Al-Islamiyat Islamic Girls SHS poɔ yuoni-gbuli sɛre ka ba leɛ iri o gaane Northern Star Senior High School.
Faruk ne naasaalba nimimaaroŋ zɔreba tonnoɔre ŋ aba naŋ boɔla Peace Corps Ghana meŋ la tona la. O maŋ wulo ba la Waale/Dagaare yeluu ka banaŋ wa yi ba yiri a na wa te paaloŋ, sɛre baŋ wa.